نظام ينمو من نواته

بدأ كل شي في 19 سبتمبر 2026، وما كان معي كود ولا نواة. كان معي شعار.

كنت أحس إن شي ناقص: ما فيه نظام تشغيل عراقي مبني من الصفر. وكنت أحلم إن اسمي يرتبط بشي حقيقي أبنيه بيدي.

فبدأت بالهوية. رسمت الشعار، وكان عندي نطاق من خمسة حروف فحجزت الاسم: كتوم. وقتها كنت أتخيلها شركة، مو نظام.

بعدها جاء أول شغل تقني: نواة سميتها QET4. هي microkernel مكتوبة بلغة Rust من الصفر، تتكفل بالجدولة والذاكرة فقط، وكل شي ثاني يشتغل كخدمة معزولة عنها.

أصعب لحظة كانت خطأ ينهار فيه النظام فجأة (Triple Fault). بعد تتبع طلع السبب: كنت أصفّر منطقة BSS وفي نفس الوقت المكدس نفسه داخل هذي المنطقة، فانمسحت بيانات Multiboot اللي يسلّمها المُقلع للنواة. الحل كان أنقل هذي البيانات إلى السجلين esi و edx قبل التصفير.

لما اشتغلت النواة والتبديل بين المهام، قمت أبي أخبر أهلي، بس تذكرت إنهم ما يحبون إني أبرمج بسبب الدراسة طبعا و انها لهو. فسويت كعكة كوب بسيطة جدًا.

بعدها اتجهت لنظام التشغيل وسميته تمرة. النواة هي نواة التمرة، والنظام ينمو حولها. كثير من الأنظمة تنمو فوق نواة جاهزة، وتمرة تنمو من نواتها هي.

وين وصلت اليوم؟ النواة تشتغل، والنظام قيد البناء، وما أحس إنه صار نظام حقيقي لين تطلع الواجهة. الشاشة الأولى اللي أنتظرها: Welcome to Tamra OS.

هذا أول فصل. الفصل القادم لسه ما انكتب.